एकैदिन ३९१ जनामा कोरोना संक्रमण, ४६ जना संक्रमणमुक्त
स्वास्थ्य तथा जनसंख्या मन्त्रालयका अनुसार ३ हजार ९८१ नमूना परीक्षण गर्दा ३९१ जनामा संक्रमण पुष्टि भएको हो।
काठमाडौं, साउन ४ : मुलुकभर गत चौबिस घन्टाको अवधिमा ३९१ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार ३ हजार ९८१ नमूना परीक्षण गर्दा सो संख्यामा संक्रमण पुष्टि भएको हो।
पछिल्लो २४ घन्टामा २५६२ नमूनाको पीसीआर र १४१९ नमूनाको एन्टिजेन विधिबाट परीक्षण भएको थियो। जसमध्ये पीसीआरबाट ३४० र एन्टिजेनबाट ५१ जना गरी कूल ३९१ जनामा संक्रमण पुष्टि भएको हो।
सोही अवधिमा ४६ जना कोरोनामुक्त भएका छन् । बुधबारसम्म कोरोनाको सक्रिया संक्रमितको संख्या २ हजार २७६ पुगेको छ।
प्रकाशित मिति: १७:२५ बजे, बुधबार, साउन ४, २०७९
प्रतिक्रिया दिनुहोस्
थप समाचार
