आज उपसभामुखका लागि उम्मेदवारी दर्ता

काठमाडौं, असार ३०: प्रतिनिधिसभाको उपसभामुखका लागि आजबाट निर्वाचन प्रक्रिया शुरु हुँदै छ।

संसद् सचिवालयले जारी गरेको निर्वाचन तालिकाअनुसार, आज मनोनयन दर्ताको कार्यसूची रहेको छ। आज बिहान ११ बजेदेखि दिउँसो १ बजेसम्म मनोनयन दर्ताको समय तोकिएको छ।

त्यस्तै, मनोनयन दर्तापछि आजै दिउँसो साढे १ बजे उम्मेदवारको सूची प्रकाशन गरिने भएको छ। भोलि दिउसो ३ बजे मतदान हुनेछ।

उपसभामुख पद तीन वर्षदेखि रिक्त रहेको छ। तीन वर्षअघि उपसभामुख शिवमाया तुम्बाहाम्फेले राजीनामा दिएपछि नयाँ उपसभामुख चयन हुन सकेको थिएन।