अवरुद्ध डुम्रे–बेँसीसहर सडक सञ्चालनमा
तनहुँ, असार २८ : बाढीपहिराले अवरुद्ध बनाएको करिब ८ घण्टापछि डुम्रे बेँसीशहर सडकखण्ड सञ्चालनमा आएको छ। गएरातिको वर्षाले यस सडकअन्तर्गत बेँसीशहर नगरपालिका–१ उदिपुरको देउराली डाँडा...तनहुँ, असार २८ : बाढीपहिराले अवरुद्ध बनाएको करिब ८ घण्टापछि डुम्रे बेँसीशहर सडकखण्ड सञ्चालनमा आएको छ।
गएरातिको वर्षाले यस सडकअन्तर्गत बेँसीशहर नगरपालिका–१ उदिपुरको देउराली डाँडा पहिराले आज बिहानैदेखि अवरुद्ध बनेकोमा सवा १२ बजेदेखि सञ्चालनमा आएको हो ।
डुम्रे बेँसीसहर चामे सडक योजना कार्यालय लमजुङका प्रमुख अच्युतविलास पन्तका अनुसार माथिबाट लेदो आएर सडक अवरुद्ध बनेको भागको अवरोध हटाएसँगै पुनःसवारी सञ्चालनमा आएको हो।
गतवर्ष र केही हप्ता अघि गएको बाढीले डुम्रे बेँसीसहरको देउराली डाँडाको सडक नै बगाएपछि उक्त स्थानबाट वैकल्पिक सडकको रुपमा सञ्चालन हुँदै आएको छ । उक्त योजना कार्यालयका प्रमुख पन्तले भने, ‘वैकल्पिक रुपमा सञ्चालन गरिएको यस सडकसमेत दैनिकजसो पहिराले अवरुद्ध बनाउँछ, डोजरले पहिरो हटाएर सञ्चालन गर्नुपर्ने बाध्यता छ।’
प्रकाशित मिति: १५:०० बजे, मंगलबार, असार २८, २०७९
प्रतिक्रिया दिनुहोस्
थप समाचार
सर्लाहीका आगलागीपीडितलाई सशस्त्रको राहतशनिबार, वैशाख २२, २०८१
सुदूरपश्चिमका मुख्यमन्त्री सोडारीले विश्वासको मत लिन बोलाइएको बैठक अनिश्चितकालका लागि स्थगितशनिबार, वैशाख २२, २०८१
बन्द भएको ६ वर्षपछि भोजपुर-विराटनगर उडान सुरुशनिबार, वैशाख २२, २०८१
तातो हावा ‘लु’बाट जोगाउन घरदैलो अभियानशनिबार, वैशाख २२, २०८१