पानीको बहाव बढेपछि कोसी ब्यारेजमा बालियाे रातो बत्ती

सुनसरी, असार १५ : लगातारको वर्षाका कारण सप्तकोसीमा पानीको बहाव बढेपछि कोसी ब्यारेजमा खतराको संकेत स्वरुप रातो बत्ती बालिएको छ। 

सप्तकोसीमा पानीको बहाव १ लाख ५० हजार क्युसेक कटेपछि खतराको संकेतका रूपमा रातो बत्ती बाल्ने गरिन्छ। 

सप्तकोसीमा बुधबार पानीको बहाव १ लाख ५८ हजार १ सय २५ क्युसेक पुगेको जिल्ला प्रशासन कायार्लेलय सुनसरीले जनाएको छ। भारतको नियन्त्रणमा रहेको कोसी ब्यारेजका ५६ ढोकामध्ये २१ वटा मात्र खोलिएका छन्। 
 
सबै ढोका नखोलेका कारण कोसी गाउँपालिका र बराहक्षेत्र नगरपालिकाको खेतीयोग्य जमिन र मानव बस्ती डुबानमा पर्नुका साथै श्रीलंका टापुको जमिन कटानमा पर्न थालेको स्थानीयले बताएका छन्।

हरेक वर्ष वर्षायाम लागेपछि सप्तकोसीमा बाढी आउने र समयमै सबै ढोका नखोलेने हुँदा आसपासका सर्वसाधारणको जनजीवन प्रभावित हुने गरेको छ।