एमाले कैलाली जिल्ला अध्यक्ष रतन थापा जिम्मेवारीबाट हटाइए 

काठमाडौं, असार १४ : नेकपा एमालेले कैलाली जिल्ला अध्यक्ष रतन थापालाई जिम्मेवारीबाट हटाएको छ। सुदूरपश्चिम प्रदेश कमिटीको बैठकले अध्यक्ष थापालाई अनुशासनको कारबाही गर्दै पदबाट हटाउने निर्णय गरेको हो । 

स्थानीय तहको निर्वाचनमा जिल्लामा आफ्नै पार्टीका उम्मेदवारलाई हराउन सक्रिय रहेको भन्दै उनलाई अध्यक्ष पदबाट हटाइएको एमालेले जनाएको छ । उनको साधारण सदस्य भने कायमै रहनेगरी निर्णय भएको छ। 

बैठकले थापालाई अध्यक्षको जिम्मेवारीबाट हटाउने र दुर्गा जोशीलाई कार्यवाहक अध्यक्षको जिम्मेवारी दिने निर्णय हो ।

प्रदेश कमिटीका सचिव धर्मराज पाठकका अनुसार जिल्ला कमिटीलाई साउन १५ गतेभित्र अध्यक्षको निर्वाचन गर्न पनि निर्देशन दिइएको छ ।