Kathmandu Press

श्रीलंकाका प्रधानमन्त्रीले आर्थिक पुनरुत्थानको मार्गचित्र प्रस्तुत गर्ने

काेलम्बाे, असार ३ : श्रीलंकाका प्रधानमन्त्री रनिल विक्रमासिङ्घेले वर्तमान आर्थिक संकटबाट देशलाई पार  लगाउन छिट्टै संसदमा मार्गचित्र प्रस्तुत गर्ने भएका छन्। विक्रमासिंघेले वर्तमान आर्थिक अवस्थाबारे छलफल...
श्रीलंकाका प्रधानमन्त्रीले आर्थिक पुनरुत्थानको मार्गचित्र प्रस्तुत गर्ने

काेलम्बाे, असार ३ : श्रीलंकाका प्रधानमन्त्री रनिल विक्रमासिङ्घेले वर्तमान आर्थिक संकटबाट देशलाई पार  लगाउन छिट्टै संसदमा मार्गचित्र प्रस्तुत गर्ने भएका छन्।

विक्रमासिंघेले वर्तमान आर्थिक अवस्थाबारे छलफल गर्न बिहीबार राति भेटेका सांसद्हरूबाट प्रस्ताव र सुझाव लिएर यो रोडम्याप बनाइने बताएका हुन्।

बिहीबार राति अर्थ मन्त्रालयका सचिव महिन्दा सिरिवर्द्धनाले वर्तमान आर्थिक संकटबाट बच्न सरकारको अल्पकालीन र मध्यकालीन रणनीतिबारे सांसद्हरूलाई जनाकारी दिएका थिए।

पछिल्लो समय श्रीलंका स्वतन्त्र भएपछि सबैभन्दा गम्भीर आर्थिक संकटको सामना गरिरहेको छ।

देशको सरकारी इन्धन वितरक सिलोन पेट्रोलियम कर्पोरेसनले आफूसँग ५ हजार मेट्रिक टन मात्रै पेट्रोल रहेको र यसरी दैनिक ५ सय मेट्रिक टन मात्रै ग्यास पसलमा निकासी हुने गरेको बताएको छ। देशमा हाल चरम इन्धन संकट छ।

प्रकाशित मिति: ११:५८ बजे, शुक्रबार, असार ३, २०७९