बलिउड अभिनेत्री अनुष्का र विराट पदयात्रामा

काठमाडौं, कात्तिक १९ : बलिउड अभिनेत्री अनुष्का शर्मा पति क्रिकेटर विराट कोहलीसँगै पदयात्रामा निस्केकी छन्।

यतिवेला श्रीलंकाको टोली भारतमा क्रिकेट खेल्दै छ। भारतीय टोलीका नियमित कप्तान विराटले छुट्टी लिएपछि रोहित शर्माले नेतृत्व गरिरहेका छन्।

विराट भने अनुष्कासँगै भुटान पुगेका छन्। अनुष्काले भुटानमा पदयात्रामा निस्केको तस्बीर सार्वजनिक संजालमार्फत सार्वजनिक गरेकी छन्।

‘आज हामीले ८.५ किलोमिटर उकालो पदयात्रा गर्‍यौं। यस दौरान एउटा सानो गाउँमा चार महिना अगाडिमात्र जन्मिएको गाईको एउटा बच्चालाई खाना खुवाउन रोकियौं। तब घरका मालिकले हामीलाई थाकेका छौं कि भनेर सोध्दै एक कप चियाको लागि सोधे,’ अनुष्काले ट्वीटरमा लेखेकी छन्।

उनले फोटोसँगै स्थानीयले आफलाई नचिनेको खुलाएकी छन्। यो प्रसङ्गसँगै उनले गाउँलेको दयालुपन र सरल स्वभाव प्रशंसा गरेकी छन्।

Today, during our 8.5 km uphill trek we stopped by a small village on a mountain to pet and feed a baby calf who was born just 4 months ago. While we did that the owner of the house asked us if we were tired and wanted to have a cup of tea ? pic.twitter.com/44sQxD0EiB

— Anushka Sharma (@AnushkaSharma) November 4, 2019