Kathmandu Press

तोडफोड भएपछि फोहोर नफालेरै फर्किन थाले बञ्चरेडाँडा पुगेका गाडी 

काठमाडौं, जेठ २५ : बञ्चरेडाँडाका स्थानीयले ल्यान्डफिल साइटमा फोहोर फाल्न नदिएपछि गाडीहरू फोहोर नफालेरै काठमाडौं फर्किन थालेका छन् । स्थानीयले फोहोर बोकेर गएका ट्रकमाथि...
तोडफोड भएपछि फोहोर नफालेरै फर्किन थाले बञ्चरेडाँडा पुगेका गाडी 

काठमाडौं, जेठ २५ : बञ्चरेडाँडाका स्थानीयले ल्यान्डफिल साइटमा फोहोर फाल्न नदिएपछि गाडीहरू फोहोर नफालेरै काठमाडौं फर्किन थालेका छन् ।

स्थानीयले फोहोर बोकेर गएका ट्रकमाथि तोडफोड गरेर फोहोर फाल्ने कार्यमा अवरोध गरेपछि फोहोर बोक्ने गाडीहरू काठमाडौं फर्किएका हुन् । दिउँसो प्रहरी र स्थानीयबीच झडप हुँदा प्रहरीले अश्रुग्याँस प्रहार गरेको थियो । 

मंगलबार प्रहरीको सुरक्षामा डेढ सय बढी ट्रक फोहोर फालिएको थियो । काठमाडौं उपत्यकाको फोहोर मंगलबारदेखि उठ्न थालेको छ । तर, फोहोर व्यवस्थापन गर्ने क्षेत्रहरू सिसडोल र बञ्चरेडाँडाका स्थानीयले विभिन्न माग राखेर निरन्तर अवरोध गर्दै आएका छन् । 

प्रकाशित मिति: १८:४२ बजे, बुधबार, जेठ २५, २०७९