स्रोत नखुलेको ७ लाख ५० हजार रूपैयाँसहित पक्राउ

सर्लाही, जेठ २३ : सर्लाहीकाे ब्रह्मपुरी गाउँपालिका-४ स्थित सडकबाट स्रोत नखुलेको नगद ७ लाख ५० हजार रूपैयाँसहित भारत सीतामढी ग्राम सोनबर्सा-२ बस्ने ४० वर्षीय विश्वनाथ महतोलाई आइतबार प्रहरीले पक्राउ गरेको छ। 

भारतको सोनबर्साबाट नेपालतर्फ आउँदै गरेको बिआर ३० ई ३९१४ नम्बरको मोटरसाइकललाई प्रहरी चौकी त्रिभुवननगरबाट खटिएको प्रहरीले जाँच गर्ने क्रममा मोटरसाइकलमा लुकाई ल्याएको उक्त नगद फेला पारी चालक महतोलाई पक्राउ गरेको हो।     

यस सम्बन्धमाआवश्यक अनुसन्धान भइरहेको प्रहरीले जनाएकाे छ।