कञ्चनपुरको स्थानीय तहमा बजेट : कृष्णपुरलाई ४४ करोड, कुन पालिकालाई कति ? 

काठमाडौं, जेठ २० : सुदूरपश्चिम प्रदेशको कञ्चनपुर जिल्लाका ९ स्थानीय तहलाई संघीय सरकारले बजेट पठाएको छ । आगामी आर्थिक वर्ष २०७९÷०८० का लागि कुल ३ अर्ब ९८ करोड ९३ लाख बजेट पठाएको छ ।

कुल बजेटमध्ये चालु खर्चका लागि ३ अर्ब ४९ करोड ७३ लाख र पुँजीगततर्फ ४९ करोड २० लाख विनियोजन गरिएको छ। 

संघीय सरकारले कञ्चनपुरका  ७ नगरपालिकाका लागि ३ अर्ब ४० करोड ४५ लाख र  दुई गाउँपालिकाका लागि ५८ करोड४८ लाख बजेट पठाएको छ। 

जिल्लाका ९ वटै स्थानीय तहमध्य सबैभन्दा बढी बजेट भिमदत्त नगरपालिकाले पाएको छ भने सबैभन्दा कम बेलडाँडी गाउँपालिकाले पाएको छ । भिमदत्तले ७७ करोड ९८ लाख  बजेट पाउँदा बेलडाँडीले २८ करोड १ लाख पाएको छ। 

कुन स्थानीय तहलाई कति बजेट ? 

१. कृष्णपुर नगरपालिका : ४४ करोड ६१ लाख

२. पुनर्वास नगरपालिका : ४६ करोड १८ लाख 

३. बेदकोट नगरपालिका : ४७ करोड ९० लाख 

४. बेलौरी नगरपालिका : ४८ करोड ६२ लाख

५. भिमदत्त नगरपालिका : ७७ करोड ९८ लाख 

६. चाँदनी–दोधारा नगरपालिका : ३४ करोड ८४ लाख 

७. शुक्लाफाँट नगरपालिका : ४० करोड ३२ लाख 

८. बेलडाँडी गाउँपालिका : २८ करोड १ लाख 

९. लालझाडी गाउँपालिका : ३० करोड ४७ लाख