अदालतकाे फैसलापछि फरार रहेका व्यक्ति अठार वर्षपछि पक्राउ
सप्तरी, जेठ १८ : सप्तरीको विष्णुपुर गाउँपालिका–१ जमुनी मधेपुराका ४२ वर्षीय लालदेव यादव १८ वर्षपछि आज पक्राउ परेका छन्। अदालतले कैद र जरिवानाको फैसला गरेपश्चात् फरार रहेका यादवलाई १८ वर्षपछि गाउँघरबाटै पक्राउ गरिएको जिल्ला प्रहरी कार्यालय, सप्तरीले जनाएको छ।
कुटपिट मुद्दामा सप्तरी जिल्ला अदालतले २०६१ असार १० गते यादवलाई तीन महिना कैद र ७२५ रुपैयाँ जरिवाना गर्ने फैसला गरेको थियो। तत्कालीन पुनरावेदन अदालत राजविराजले समेत विसं २०६४ असार ४ गते सो फैसला सदर गरेको थियो। उनीविरुद्ध सोही ठाउँका दीपेन्द्रकुमार यादवले उजुरी दिएका थिए। पक्राउ परेका अभियुक्तलाई सप्तरी जिल्ला अदालतमा दाखिला गराई कैद भुक्तानका लागि राजविराज कारागार पठाइएको जिल्ला प्रहरी कार्यालय, सप्तरीका प्रहरी नायब उपरीक्षक मात्रवप्रसाद काफ्लेले बताए।
प्रकाशित मिति: १९:५९ बजे, बुधबार, जेठ १८, २०७९
प्रतिक्रिया दिनुहोस्
थप समाचार
सामुदायिक साकोसको समीक्षा गोष्ठीशुक्रबार, वैशाख २१, २०८१
बागमती प्रदेशसभा वैशाख ३१ गते आह्वान गर्न सरकारलाई आग्रहशुक्रबार, वैशाख २१, २०८१
लोसपाका प्रदेशसभा सदस्य अभिराम शर्मा निलम्बितशुक्रबार, वैशाख २१, २०८१
झापामा कक्षा १२ काे परीक्षा दिएर फर्किरहेकी छात्रामाथि गोली प्रहारशुक्रबार, वैशाख २१, २०८१