राष्ट्रियसभामा खिमलाल देवकोटाले भने– निजगढ विमानस्थल बनाउने प्रक्रिया अघि बढाइनुपर्छ

काठमाडाैं, जेठ १७ : सांसद खिमलाल देवकोटले बारामा प्रस्तावित निजगढ अन्तर्राष्ट्रिय विमानस्थल निर्माण प्रक्रिया अघि बढाउन माग गरेका छन्।

राष्ट्रियसभाको बैठकमा बजेटमाथिको छलफलमा बोल्दै देवकोटाले निजगढ विमानस्थल नबनाउने र बनाउन नदिने चलखेलले चिन्ता बढेको बताए। उनले निजगढ विमानस्थल बजेटमा समावेश भएकाले कार्यान्वयन हुनुपर्नेमा जोड पनि दिए।

सर्वोच्च अदालतको हालैको फैसलाले निजगढ विमानस्थल निर्माण प्रक्रिया अघि नबढाउन आदेश दिएको थियो । तथापि, सरकारको नीति तथा कार्यक्रम र बजेटमा निजगढ विमानस्थल निर्माण प्रक्रिया अघि बढाउने समावेश गरिएको छ ।

विमानस्थल निर्माणका लागि हालसम्म नियामक नेपाल नागरिक उड्डयन प्राधिकरणले तीन अर्ब रुपैयाँ खर्च गरिसकेको छ । विमानस्थल क्षेत्रमा पर्ने आठ हजार ५० हेक्टर जग्गा विमानस्थलका नाममा आइसकेको प्राधिकरणले जनाएको छ ।