विमान दुर्घटनापछि नेपाली सेनाले यसरी गर्यो उद्धार (फोटोफिचर)
दुर्घटनाको खबर प्राप्त हुनासाथ जोमसोममा तैनाथ श्री नारायणदल गणबाट खोज तथा उद्धार टोली नौरीकोट इलाकातर्फ मुभ भई उक्त टोलीले नौरीकोट, लार्जुङ्ग, कोबाङ्ग र टीटी लेकका सम्भावित इलाकाहरुमा खोजी कार्य गरेको थियो ।
काठमाडौं, जेठ १६ : तारा एयरको विमान दुर्घटनापश्चात सुरक्षा निकायको सक्रियतामा मृतकहरुको उद्धार कार्य भयो । जसमा नेपाली सेनाको सक्रियता पनि महत्वपूर्ण रह्यो ।
पोखराबाट जोमसोमको लागि उडेको तारा एयरलाईन्सको विमान दुर्घटना भएलगत्तै सक्रियता जनाएको सेनाले जनाएको छ । दुर्घटनाको खबर प्राप्त हुनासाथ जोमसोममा तैनाथ श्री नारायणदल गणबाट खोज तथा उद्धार टोली नौरीकोट इलाकातर्फ मुभ भई उक्त टोलीले नौरीकोट, लार्जुङ्ग, कोबाङ्ग र टीटी लेकका सम्भावित इलाकाहरुमा खोजी कार्य गरेको थियो ।
हालसम्म २२ मध्ये २१ जनाको शव फेला परेको छ भने तीमध्ये १० जनाको शव आधार शिविरमा ल्याई नेपाली सेनाको हेलिकप्टरबाट काठमाडौं ल्याई पोस्टमार्टमका लागि त्रिवि शिक्षण अस्पताल पुर्याईसकिएको छ ।
प्रतिकुल मौसमका कारण आधार शिविरमा ल्याउन कठिन भएका ११ वटा शव मंगलबार काठमाडौं ल्याउने योजना रहेको समेत सेनाले जनाएको छ । यस्तै हराईरहेका एकजनाको खोजी कार्य मंगलबार हुने छ ।
तस्बिरहरु : नेपाली सेना
