कृषि मन्त्रालयका लागि ५५ अर्ब ९७ करोड विनियोजन

काठमाडाैँ, जेठ  १५ :  कृषि तथा पुशपन्छी विकास मन्त्रालयको लागि ५५ अर्ब  ९७ करोड यस पटक विनियोजन भएको छ । गत वर्ष उक्त बजेट ४५ अर्ब नौ करोड विनियोजित भएको थियो । यसपटक कृषिमा १० अर्ब बढेको छ। 

संसदमा आगामी आर्थिक वर्षका लागि बजेट प्रस्तुत गर्दै अर्थमन्त्री जनार्दशन शर्माले रासायनिक मल खरिद गर्न १५ अर्ब  विनियोजित गरेको जानकारी दिएका छन् । गत वर्ष  उक्त रकम १२ अर्ब थियो । प्रधानमन्त्री कृषि आधुनिकीकरण परियोजना तर्फ यसअघि करीब ७ अर्ब विनियोजन भएकोमा यस वर्ष  ५ अर्ब ९० करोडमात्र विनियोजन गरिएको छ ।  कृषि सुधारको लागि  कृृषि बीमातर्फ ७७ करोड विनियोजन गरिएको छ । 

स्नातक गरेको  विद्यार्थीलाई प्रधानमन्त्री रोजगार कार्यक्रम अन्तगर्त तीन सय कृषि स्वयम सेवक राखिने अर्थमन्त्रीले बताएका छन् ।  यस पटक प्रदेशस्तरीय प्रत्येक तीन तहलाई बाँझो खेती प्रवद्र्धनका लागि कृषि उत्पादनमा  टेवा पुर्याएमा ५ करोडको प्रोत्साहन भत्ता प्रदान गरिने भएको छ । 

कृषि कर्जातर्फ पाँच खर्ब विनियोजित भएको छ । कपासका बियाँ छोडाउनका लागि  कपास छोडाउने मेसिनको व्यवस्था गरिने छ।

२०७९ साललाई कृषि जैविक विविधता दिवसको रुपमा  मनाइने बताइएको छ । 

त्यस्तै धान, खाद्यन्न स्टोरका लागि १ सय भण्डारमा एक करोड रकम विनियोजित  भएको छ । कर्णालीका बाली रैथाने बालीमा प्रोत्साहान गरिने भएको छ ।