कैलालीको जानकीमा नागरिक उन्मुक्तिका चौधरीको जित

कैलाली, जेठ ७ : कैलालीको जानकी गाउँपालिकाको अध्यक्षमा गणेश चौधरी विजयी भएका छन्।

नागरिक उन्मुक्ति पार्टीबाट गाउँपालिकाको अध्यक्षमा निर्वाचित चौधरीले ७ हजार १५१ मत प्राप्त गरी जित हासिल गरेका हुन्। 

उनका प्रतिस्पर्धी सत्ता गठबन्धनका साझा उम्मेदवार नेपाली कांग्रेसका परशुराम महतोले ५ हजार २ सय ४२ मत तथा  एमालेका टंकबहादुर बमले ४ हजार २४१ मत पाएका छन्। 

त्यसैगरी उपाध्यक्षमा नागरिक उन्मुक्ति पार्टीकै लालमती देवी कठरिया छ हजार ५२६ मतसहित निर्वाचित भएका छन्।

उनका निकटतम् प्रतिद्वन्द्वी एमालेकी गीता चौधरीले ४ हजार ५ मत ल्याउँदा गठबन्धनबाट माओवादी केन्द्रका जयप्रकाश दहितले ४ हजार ५४८ मत प्राप्त गरे।