काठमाडौंमा बालेन दोब्बर मतान्तरले अगाडि, सुनिताको मतान्तर तेब्बर
बालेनले १६ हजार ६४७ पाएका छन् भने एमालेका केशव स्थापितले ८ हजार ६०७ मत ल्याएका छन् ।
काठमाडौं, जेठ ४ : काठमाडौं महानगरपालिकाको मेयरका लागि स्वतन्त्र उम्मेदवार बालेन्द्र शाह (बालेन)ले अग्रता कायम राखेका छन् ।
बुधबार मध्याह्नसम्मको मतपरिणाम अनुसार बालेन दोब्बर मतान्तरसहित अगाडि छन् । नेकपा एमालेका केशव स्थापित दोस्रो र कांग्रेसकी सिर्जना सिंह तेस्रो स्थानमा छिन्।
बालेनले १६ हजार ६४७ मत पाएका छन् भने एमालेका स्थापितले ८ हजार ६०७ मत ल्याएका छन् । त्यस्तै कांग्रेसकी सिर्जना सिंहले ७ हजार ७६७ मत पाएकी छन् भने राप्रपाका मदनदास श्रेष्ठले ८०९ मत पाएका छन् ।
उपमेयरतर्फ एमालेकी सुनिता डंगोलले तेब्बर मतान्तरले अग्रता लिएकी छन् । उनले १५ हजार ६७४ मत पाउँदा एकीकृत समाजवादीका रामेश्वर श्रेष्ठले ५ हजार १५ मत ल्याएकी छन् भने राप्रपाकी बिनिता मगैयाले ३ हजार ४४९ मत पाएकी छन्।
प्रकाशित मिति: १३:४५ बजे, बुधबार, जेठ ४, २०७९
प्रतिक्रिया दिनुहोस्
थप समाचार
