धादिङको ज्वालामुखी गाउँपालिकाको अध्यक्षमा दनै, उपाध्यक्षमा अर्याल
मतगणनाको अन्तिम परिणामअनुसार दनै ८ हजार ३४ मत प्राप्त गर्दै अध्यक्ष निर्वाचित भएका हुन्।
धादिङ, जेठ ४ : धादिङको ज्वालामुखी गाउँपालिकाको अध्यक्षमा नेपाली कांग्रेसका उम्मेदवार यामनाथ दनै निर्वाचित भएका छन् । मतगणनाको अन्तिम परिणामअनुसार दनै ८ हजार ३४ मत प्राप्त गर्दै अध्यक्ष निर्वाचित भएका हुन्।
उनका निकटतम प्रतिद्वन्द्वी नेकपा एमालेका हरिराम लोहनीले ५ हजार ४९९ मत पाए । त्यस्तै राप्रपाका टंकबहादुर अधिकारीले ७३ मत पाए ।
उपाध्यक्षमा नेकपा एकीकृत समाजवादीका उम्मेदवार धर्म अर्याल निर्वाचित भएका छन् । उनले ६ हजार ४४५ मत ल्याएर विजय हासिल गर्दा एमालेकी चन्द्रकुमारी अधिकारीले ४ हजार ७७१ मत ल्याइन्।
त्यस्तै नेकपा माओवादी केन्द्रकी लक्ष्मी थापामगरले १ हजार ३३४ मत ल्याइन् भने सोविता राना मगरले ७७ मत प्राप्त गरिन्।
गठबन्धनको निर्णयअनुसार ज्वालामुखीको अध्यक्ष कांग्रेसले पाएको थियो भने एकीकृत समाजवादीलाई उपाध्यक्ष दिइएको थियो । तर, माओवादी केन्द्रकी लक्ष्मी थापा मगरले उम्मेदवारी दिएकी थिइन्।
