रौतहटको राजदेवी नगरपालिकाको मेयर र उपमेयर दुबैमा समाजवादी विजयी
बुधबार सम्पन्न मतगणनाको अन्तिम परिणाम अनुसार नगरपालिकाको मेयरमा समाजवादीकाा भिखारी यादव र उपमेयरमा राजकुमारी देवी विजयी भएका हुन्।
काठमाडौं, जेठ ४ : रौतहटको राजदेवी नगरपालिकाको मेयर र उपमेयर दुबैमा नेकपा (एकीकृत समाजवादी) का उम्मेदवार विजयी भएका छन्। बुधबार सम्पन्न मतगणनाको अन्तिम परिणाम अनुसार नगरपालिकाको मेयरमा समाजवादीकाा भिखारी यादव र उपमेयरमा राजकुमारी देवी विजयी भएका हुन्।
मेयर निर्वाचित भएका यादवले कांग्रेसका धिरेन्द्र सिंहलाई ३ हजार ३४५ मतले पराजित गरेका हुन्। यादवले ७ हजार ५२ मत प्राप्त गरेका छन् भने सिंहले ३ हजार ७०७ मत प्राप्त गरे।
यसैगरी उपमेयरमा समाजवादीकै राजकुमारी देवीले ५ हजार ८४२ मत प्राप्त गर्दै निर्वाचित भएकी छिन् । उनका निकटतम प्रतिस्पर्धी नेपाली कांग्रेसकी अर्चना कुमारी यादवे ३ हजार १४९ मत प्राप्त गरेकी छन्।
प्रकाशित मिति: १०:१४ बजे, बुधबार, जेठ ४, २०७९
प्रतिक्रिया दिनुहोस्
थप समाचार
