कपुरकोट गाउँपालिकाको अध्यक्षमा एकीकृत समाजवादी विजयी 

काठमाडौं, जेठ ३ : सल्यानको कपुरकोट गाउँपालिकामा एकीकृत समाजवादीका दुर्गा पुनले तीन हजार १६० मतसहित विजयी भएका छन् । उनका निकटतम प्रतिद्वन्द्वी एमालेका भीमबहादुर सेनले दुई हजार ९३६ मत प्राप्त गरेका छन्। 

यसैगरी उपाध्यक्षमा  माओवादीका प्रकाश भण्डारीले तीन हजार २४० मत प्राप्त गरी  विजयी भएका छन् । उनका निकटतम प्रतिद्वन्द्वी एमालेका  भीम बुढाथोकीले दुई हजार ७४५ मत प्राप्त गरेका छ्न। छवटा वडा रहेको कपुरकोटमा तीन वडामा एमाले, एक वडामा कांग्रेस, एक वडामा माओवादी  र एक वडामा राप्रपा विजयी भएका छन्। 

दश वटा स्थानीय तह रहेको जिल्लामा हालसम्म पाँच स्थानीय तहको नतिजा सार्वजनिक भइसकेको छ भने पाँच तहमा मतगणना भइरहको छ । 

हालसम्मको मतपरिणाम अनुसार कालीमाटी  र छत्रेश्वरी गाउँपालिकामा एमाले र वागचौर , वनगाड कुपिण्डे नगरपालिका सहित र दार्मा गाउँपालिकामा माओवादीको अग्रता कायम छ।