राजनीतिज्ञमा निष्ठाको खाँचो छ : नेम्वाङ

काठमाडाैं, कात्तिक ६ : नेपाल कम्युनिष्ट पार्टी (नेकपा) का संसदीय दलका उपनेता सुवासचन्द्र नेम्वाङले राजनीतिज्ञमा प्रष्ट वैचारिक दृष्टिकोण, सामाजिक आदर्श र निष्ठाको खाँचो रहेको बताएका छन्। 

चन्द्रबहादुर गुरुङ स्मृति अध्ययन प्रतिष्ठानले चन्द्रबहादुर गुरुङको चौंथो स्मृतिसभालाई बुधबार सम्बोधन गर्दै तत्कालीन राष्ट्रिय प्रजातन्त्र पार्टी नेपालका महामन्त्री गुरुङले संविधानसभामा फरक मत राखेर पनि संविधान निर्माणमा सहयोग गरेकाे बताए।

पहिलो संविधानसभामा उक्त पार्टीको नेतृत्व गरेका गुरुङले धर्मलगायत विषयमा फरक मत प्रकट गरेर पनि बहुमतलाई सम्मान गर्दै देशमा राजनीतिक स्थिरताको वातावरण तयार गर्न भूमिका निर्वाह गरेको उनको भनाइ थियो। 

कार्यक्रममा राप्रपाका अध्यक्ष कमल थापाले राजनीतिमा अहिले अपराधीकरण बढेर गएको र  शक्ति तथा सत्ताका लागि अमानवीय तरिकाले हत्या हिंसाका घटना भइरहेकाले त्यस्ता घटनालाई नियन्त्रण गर्न सरकार संवेशदनशील हुनुपर्ने बताए। मुलुकको विकास र समृद्धिका लागि उद्योगको विस्तार गरी  उत्पादन बढाउनुपर्नेमा उनको जोड थियो। रासस