एक मत बढी ल्याएर जसपाका उदयराज गडेरिया वडाध्यक्षमा विजयी

बुटवल , वैशाख ३१ : रूपन्देहीको शुद्धोधन गाउँपालिका-१ को वडाध्यक्षमा जनता समाजवादी पार्टी (जसपा) का उदयराज गडेरिया (बाबुराम पाल) एक मत बढी ल्याएर विजयी भएका छन्।

गडेरिया ९९२ मतका साथ विजयी हुँदा उनका निकटतम प्रतिद्वन्द्वी नेपाली कांग्रेसका उम्मेदवार जंगबहादुर यादवले ९९१ मत पाए। एमालेका उम्मेदवार कृष्णबहादुर गौतम क्षेत्रीले २१२ मत प्राप्त गरेका छन्।

केही पालिकामा जसपाले अग्रता लिए पनि रूपन्देहीको शुद्धोधनमा वडाध्यक्ष जितेर खाता खोलेको हो।