पठाओले बर्ष भरिका उत्कृष्ट राइडर, क्याप्टेन र फुडमेनलाई सम्मान गर्ने
काठमाडौं, वैशाख १४ : पठाओले बर्ष भरिका उत्कृष्ट राइडर, क्याप्टेन, फुडमेन र रेस्टुरेन्टलाई सम्मान गर्ने भएको छ । २०७८ साल भरी उत्कृष्ट सेवा प्रदायकहरुलाई सम्मान गर्ने तयारी गरिएको पठाओ नेपालले जनाएको हो ।
पठाओको यात्रामा हाम्रा राइडर, क्याप्टेन र फुडमेन साथिहरुले साधै हामीलाई हाम्रो परिवारझै साथ दिनेहरुलाई योगदानको कदर गर्दै यो कार्यक्रम आयोजना गर्न लागिएको पठाओ नेपालकी प्रवक्ता सुरक्षा हमालले बताईन् ।
पठाओलाई उत्कृष्ट राइड सेयरिङ प्लेटफर्म बनाउन योगदान दिने राइडर, क्याप्टेन र फुडमेनहरुलाई प्रोत्साहन गर्न आयोजना गरिएको कार्यक्रम बैशाख १८ गते (मे १) श्रम दिवसको दिन हुने बताइएको छ । यस कार्यक्रमलाई आगमी वर्षहरुमा पनि आयोजना गर्ने हमालले जानकारी दिइन् ।
२५ सेप्टेम्बर २०१८ मा बाइकमा राइड सेयरिङमार्फत पठाओ नेपालले सेवा सुरू गरेको थियो। ९ अगस्ट २०१९ मा कार लाइट अर्थात् ट्याक्सी सेवा सुरु गरेको पठाओले राइड सेयरिङ सुरू गरेको २ वर्षपछि २५ सेप्टेम्बर २०२० देखि होटल, रेस्टुरेन्ट तथा क्याफेका खाना डेलिभरी गराउँदै ‘पठाओ फुड’ सन्चालनमा ल्याएको छ ।
