सांसद पक्राउको विरोधमा वीरगञ्जमा राजपाको प्रदर्शन

पर्सा, असोज २९ : सांसद प्रमोद साहको रिहाइको माग गर्दै राजपाले वीरगञ्जमा प्रदर्शन गरेको छ।

राजपा पर्साले सांसद साहलाई पक्राउ गरेको विरोधमा वीरगञ्जको आदर्शनगरस्थित बुद्ध एयरको कार्यालय अगाडि टायर बालेर प्रदर्शन गरिरहेको छ।

राजपा नेपाल वीरगंज महानगर कार्य समिति, युवा महानगर कार्य समितिका नेता तथा कार्यकर्ता प्रर्दनमा उत्रिका छन्। उनीहरुले सासंद साहलाई रिहाइ गर्न माग गरेका छन्।

प्रदर्शनमा राजपा महानगर अध्यक्ष लियाकत अली, नेता राजकुमार सर्राफ, बिष्णु पटेल, महानगर युवा अध्यक्ष राजु गुप्ता, ठाकुर राम बहुमुखी क्याम्पसका एकाई अध्यक्ष अमित यादव, सचिव सगिर अली, राष्ट्रिय विधार्थी संघका जिल्ला उपाध्यक्ष सुमित चौरसियालगायत सहभागी छन्।

जहाज तीन घण्टा डीले भएपछि सांसद साहले जनकपुर विमानस्थलस्थित बुद्ध एयरको काउन्टरमा तोडफोड गरेका थिए। विमानस्थलमा तोडफोड गरेको आरोपमा मंगलबार सांसद साहलाई त्रिभुवन विमास्थलबाट पक्राउ गरिएको थियो।