महरालाई अस्पतालबाटै लगियाे जिल्ला अदालत

काठमाडौं, असोज २८ : बलात्कार आरोप लागेका निवर्तमान सभामुख कृष्णबहादुर महरालाई नर्भिक अस्पतालबाटै काठमाडौं जिल्ला अदालत लगिएकाे छ।

संसद सचिवालयकै कर्मचारीमाथि बलात्कार गरेको आरोप लागेपछि महरालाई असोज १९ गते पक्राउ गरिएको थियो। उनको स्वास्थ्यमा समस्या देखिएपछि असोज २३ गते नर्भिक अस्पताल भर्ना गरिएको थियो।

उनलाई म्याद थपका लागि जिल्ला अदालत लगिएकाे हाे। उनलाई प्रहरीले हिरासतमा राखेर थप अनुसन्धान गर्न अदालतबाट अनुमति लिनेछ।