स्याङ्जाको वालिङमा जिप दुर्घटना : पाँचजनाकाे मृत्यु (अपडेट)
काठमाडौं, वैशाख ४ स्याङजाको वालिङमा जिप दुर्घटना हुँदा एक बालकसहित पाँचजनाको मृत्यु भएको छ। मृतक पाँचैजनाको शव वालिङ प्राथमिक स्वास्थ्य केन्द्रमा राखिएको प्रहरीले जनाएको...
काठमाडौं, वैशाख ४ स्याङजाको वालिङमा जिप दुर्घटना हुँदा एक बालकसहित पाँचजनाको मृत्यु भएको छ।
मृतक पाँचैजनाको शव वालिङ प्राथमिक स्वास्थ्य केन्द्रमा राखिएको प्रहरीले जनाएको छ।
मृतकहरुको सनाखत हुन बाँकी रहेको प्रहरीले जनाएको छ।
दुर्घटनामा घाइते भएका चालकसहित ६ जनालाई उपचारका लागि पोखराको गण्डकी मेडिकल कलेजमा पठाइएको जिल्ला प्रहरी कार्यालय स्याङ्जाले जनाएको छ।
वालिङ नगरपालिका–१२ स्थित माथिल्लो डाँडाखर्कमा ग१ज ७३९९ नम्बरको जिप दुर्घटनाग्रस्त भएको हो।
बाटो खाल्डाखुल्डी भएकाले जिप अनियन्त्रित भई दुर्घटना भएको हुन सक्ने अस्थायी ट्राफिक पोस्ट वालिङका असई कुलबहादुर अधिकारीले बताए। जिप सडकभन्दा करिब १ सय ५० मिटर तल खसेको उनको भनाइ छ।
प्रकाशित मिति: १२:२४ बजे, आइतबार, वैशाख ४, २०७९
प्रतिक्रिया दिनुहोस्
थप समाचार
