चीनियाँ राष्ट्रपति स्वदेश फर्किएसँगै राजधानीको सवारी सुचारू 

काठमाडौं असोज २६ः  चिनियाँ राष्ट्रपति सी चिनफिङको दुई दिने भ्रमणका  सकिए सँगै उपत्यका भित्र सवारी आगमन पूर्ण रुपमा सञ्चालनमा आएको छ । राष्ट्रपति सी भ्रमण सकेर आज स्वदेश फिर्ता भएसँगै  सडक पूर्णरुपमा सञ्चालनमा आएको हो ।

राष्ट्रपति सी शनिबार नेपाल भ्रमणमा आएसंगै काठमाडौं उपत्यका भित्रका  ट्राफिक व्यवस्थापन कडा पारिएको थियो । सडकमा सवारी सञ्चालनमा रोक लगाइएको थियो । राष्ट्रपति फिर्ता भएसंगै सडकमा ठुला, मालवहाक सवारी साधन सञ्चालनमा समेत खुल्ला गरिएको महानगरीय ट्राफिक प्रहरी महाशाखाका  प्रवक्ता रविकुमार पौडेलले जानकारी दिए ।

‘सी स्वदेश फिर्ता भएसँगै सवारी  खुल्ला गरिएको  छ, अहिले बाटो सहज भैसक्यो’ पौडेलले काठमाडौं प्रेस सँग भने । सि भ्रमणको समयमा  सवारी नचल्दा  यात्रुहरु हिँडेर यात्रा गर्न बाध्य भएका थिए ।