देशभर थप १२ जनामा कोरोना संक्रमण

काठमाडाैं, चैत २५ : नेपालमा थप १२ जनामा कोरोना संक्रमण पुष्टि भएको छ।

देशभर गरिएको २ हजार ७ सय २८ पिसिआर परीक्षणका क्रममा ११ जना र १ हजार ६ सय २१ एन्टीजेन परीक्षण गर्दा १ जनामा कोरोना संक्रमण पुष्टि भएको हो।

कोरोनाका कारण शुक्रबार पनि कसैको पनि मृत्यु नभएको स्वास्थ्य मन्त्रालयले जनाएको छ। त्यस्तै थप ८९ संक्रमित कोरोनामुक्त हुँदा हालसम्म नेपालमा ९ लाख ६५ हजार ९ सय ३६ जना निको भएका छन्।

हाल नेपालमा ६ सय ६९ सक्रिय संक्रमित आइसाेलेसनमा छन्।