दशैं मनाउन राजधानिबाट १४ लाख बाहिरिए, आज ३ लाख बाहिरिए

काठमाडौं, असोज   १६ : दशैं मनाउन विहिबार  रातिसम्म राजधानिबाट १४ लाख यात्रु बाहिरिएका छन्। 

नेपाल यातायात राष्ट्रिय महासंघका अनुसार आज र भोली सबैभन्दा बढि यात्रुको चाप हुनेछ। महासंघका अध्यक्ष  योगेन्द्रनाथ कर्माचार्यले भने, ‘आज मात्रै  उपत्यकाबाट ३ लाख हाराहारीमा  यात्रुहरु बाहिरिने छन्।’

टिकट नपाएका  यात्रुहरुका लागि भने महासंघले अतिरिक्त बस व्यवस्था गर्ने बताएको छ । ‘यात्रुको संख्या बुधबार विहिबार  निकै चाप  छ, भोली  फूलपाती  भएकाले आज अधिकांश यात्रुहरु बाहिरिने छन्’, कर्माचार्यले काठमाडौं प्रेससँग भने, ‘शनिबार÷आइतबारबाट मात्रै चाप कम हुने छ।’ 

महासंघले  यस बर्ष राजधानिबाट  दशैं मनाउना लागि २० लाख यात्रुहरु बाहिरिने अनुमान  गरेको  छ।

यातायात व्यवस्था विभाग  र नेपाल यातायात राष्ट्रिय महासंघको सहमतिमा  असोज ५ गते देखि १९ सम्मका लागि अग्रीम टिकट बुकिङ खुल्ला गरेको  छ।