Kathmandu Press

एमाले अध्यक्ष ओलीले चैत १६ गते स्थानीय तह पार्टीका पदाधिकारीलाई सम्बोधन गर्ने 

काठमाडौं, चैत ११ : नेकपा (एमाले) का अध्यक्ष केपी शर्मा ओलीले आशन्न स्थानीय तहको निर्वाचनको तयारीका लागि यही चैत १६ गते मुलुकका ७५३...
एमाले अध्यक्ष ओलीले चैत १६ गते स्थानीय तह पार्टीका पदाधिकारीलाई सम्बोधन गर्ने 

काठमाडौं, चैत ११ : नेकपा (एमाले) का अध्यक्ष केपी शर्मा ओलीले आशन्न स्थानीय तहको निर्वाचनको तयारीका लागि यही चैत १६ गते मुलुकका ७५३ वटै पार्टीका कमिटीका पदाधिकारीलाई सम्बोधन गर्ने भएका छन् । 

पूर्वप्रधानमन्त्री ओलीले निर्वाचन घोषणापत्रका लागि परामर्श र पार्टीका नीतिबारे स्पष्ट पार्न एकैदिन प्रविधिमार्फत सम्बोधन गर्न लागेका हुन् । पार्टीको बिहिबार सम्पन्न केन्द्रीय कमिटीको तेस्रो बैठकले उक्त कार्यक्रम तय गरेको हो । 

आगामी वैशाख ९ गते नेपाल कम्युनिष्ट पार्टी स्थापना दिवसका अवसर पारेर केन्द्रमा निर्वाचन घोषणापत्र र स्थानीय तहमा पार्टीका तर्फबाट प्रतिबद्धतापत्र सार्वजनिक गर्ने कार्यक्रम तय गरेको छ ।

प्रकाशित मिति: ०८:१६ बजे, शुक्रबार, चैत ११, २०७८