लिग-२ मा पपुवा न्युगिनीसँग भिड्दै नेपाल

काठमाडौं, चैत ८: आईसीसी क्रिकेट विश्वकप लिग-२ अन्तर्गत आज नेपालले पपुवा न्युगिनीसँग प्रतिस्पर्धा गर्ने भएको छ।

दुवईस्थित क्रिकेट मैदानमा आज बिहान ११ः१५ बजे नेपाल र पपुवा न्युनिगीबीच प्रतिस्पर्धा हुनेछ। यसअघि भएको खेलमा नेपालले पपुवा न्युनिगीलाई दुई विकेटले पराजित गरेको थियो।

यूएई भ्रमणमा रहेको नेपाली टोलीले अहिलेसम्म भएका तीन खेलमा एउटामा जित र दुईमा हार बेहोरेको छ। यूएईसँग भएका दुवै खेल हारेको हो।

पपुवा न्युगिनीले भने नेपालसँग हार बेहोरको थियो भने यूएईलाई पराजित गरेको थियो। आजको खेलमा दुवै टिम जित्ने लक्ष्यसहित मैदानमा उत्रिनेछन्।