पोखरामा सोमबार सार्वजनिक बिदा 

काठमाडौं, फागुन २२ : पोखरा महानगरपालिकाले भोलि (सोमबार) सार्वजनिक बिदा  दिने भएको छ । 

तत्कालीन पोखरा नगर पञ्चायतका पूर्व प्रधानपञ्च गणेश शेरचनको आज ७८ वर्षको उमेरमा निधन भएको शोकमा महानगरले एक दिन बिदा दिने निर्णय गरेको हो । 

सोमबार पोखरा महानगरपालिका नगर कार्यपालिकाको कार्यालय र अन्तर्गतका कार्यालयहरू शोक विदाको रूपमा बन्द रहने छन् । 

उनको उपचारका क्रममा आज काठमाडौंको ग्रान्डी अस्पतालमा निधन भएको हो ।