Kathmandu Press

इलाममा  घाइते चितुवाको उद्धार

इलाम, फागुन १९ : इलाममा फेला परेको घाइते चितुवाको उद्धार गरिएको छ।  जिल्लाको माइजोगमाई-६ प्याङमा फेला परेको घाइते चितुवाको उद्धार गरिएको हो।  एक खोल्सीमा...
इलाममा  घाइते चितुवाको उद्धार

इलाम, फागुन १९ : इलाममा फेला परेको घाइते चितुवाको उद्धार गरिएको छ। 

जिल्लाको माइजोगमाई-६ प्याङमा फेला परेको घाइते चितुवाको उद्धार गरिएको हो।  एक खोल्सीमा चितुवा देखेपछि स्थानीयवासीले प्रहरीलाई खबर गरेका थिए।

प्रहरीले सब डिभिजन कार्यालय नयाँ बजारलाई जानकारी गराएपछि त्यहाँको आएको टोलीले गएराति ती चितुवालाई उद्धार गरी डिभिजन वन कार्यालय इलाममा ल्याइएको थियो। 

घाइते चितुवाको उपचार, पुनःस्थापनाका लागि कोसीटप्पु वन्यजन्तु आरक्षमा पठाइएको जिल्ला वन कार्यालय इलामका प्रमुख इन्द्रमणि भण्डारीले जानकारी दिए।

उनका अनुसार चितुवाको शरीरमा घाउसमेत देखिएको बताइएको छ। मानिसले नै घाइते बनाएको वा अन्य वन्यजन्तुले घाइते बनाएको सम्बन्धमा अनुसन्धान भइरहेको छ। 

प्रकाशित मिति: १६:०७ बजे, बिहीबार, फागुन १९, २०७८