एफए कप : सिटी क्वाटरफाइनलमा, टोटनहम बाहिरियो

काठमाडौं, फागुन १८ : म्यानचेस्टर सिटी एफए कप फुटबलको क्वाटरफाइनल प्रवेश गरेको छ। मंगलबार राति भएको खेलमा पिटरब्रो युनाइटेडलाई (२–०) पराजित गर्दै सिटीले अन्तिम आठमा स्थान बनाएको हो। 

सिटीको जितमा रियाद महरेज र ज्याक ग्रेलिसले एकएक गोल गरे। खेलको ६० औं मिनेटमा महरेजले गोल गर्दै सिटीलाई सुरुआती अग्रता दिलाएका थिए । त्यसपछि खेलको ६७ औं मिनेटमा ग्रेलिसले गोल गर्दै सिटीलाई २–० को जित दिलाए ।

अर्को खेलमा क्रिस्टल प्यालेसले स्टोक सिटीलाई २-१ ले हराएर क्वाटरफाइनलमा स्थान बनाएको छ ।

टोटेनहम भने बाहिरिएको छ ।  मिड्ल्सब्रोसँग  १–० गोल अन्तरले पराजित हुँदै  टोटेनहम बाहिरिएको हो।