आज पनि केही प्रदेशमा वर्षाको सम्भावना

काठमाडौं, फागुन १४: पश्चिमी वायुको प्रभावले आज पनि केही प्रदेशमा वर्षाको सम्भावना रहेको जल तथा मौसम विज्ञान विभागले जनाएको छ।

विभागको मौसन पूर्वानुमान महाशाखाका अनुसार प्रदेश १, बागमती‚ गण्डकी, लुम्बिनी र सुदूरपश्चिम प्रदेशमा वर्षाको सम्भावना रहेको छ। यससँगै असिना पर्न सक्ने महाशाखाले जनाएको छ।

आज बिहान कर्णाली र सुदूरपश्चिम प्रदेशमा सामान्य बदली र बाँकी भूभागमा आंशिक बदली रहेको छ। आज दिउसो पनि प्रदेश १, बागमती‚ गण्डकी, लुम्बिनी र सुदूरपश्चिम प्रदेशमा मेघगर्जनसहित असिना र पानी पर्ने सम्भावना रहेको महाशाखाले जनाएको छ।

यस्तै‚ देशको उच्च पहाडी र हिमाली भेगमा हल्कादेखि मध्यम हिमपातको सम्भावना रहेको छ।

आज राति देशका अधिकांश प्रदेशमा मौसम बदली रही कर्णाली र सुदूरपश्चिम प्रदेशका पहाडी भूभागका केही स्थानमा हावाहुरीसहित हल्का वर्षाको सम्भावना रहेको छ।

गण्डकी‚ कर्णाली र सुदूरपश्चिम प्रदेशका उच्च पहाडी र हिमाली भेगका केही स्थानमा हल्का हिमपातको सम्भावना रहेको छ मौसम पूर्वानुमान महाशाखाले जनाएको छ।