प्रधान सेनापति शर्मा र भारतीय सेनाका लेफ्टिनेन्ट जेनेरल पीएनबीच भेटवार्ता 

काठमाडौं, फागुन १२ : नेपाली सेनाका प्रधानसेनापनि महारथी प्रभुराम शर्मा र भारतीय सेनाका लेफ्टिनेन्ट जेनेरल पीएन अनन्तनारायणबीच भेटवार्ता भएको छ । 

प्रधान सेनापति महारथी शर्माको कार्यालयमा भएको उक्त भेटघाटमा दुई पक्षीय हित तथा पारस्परिक सम्बन्धका विषयमा छलफल भएको नेपाली सेनाले जनाएको छ । 

यस किसिमको भेटघाटले दुई देशका सेनाबीच रहँदै आएको आपसी सम्बन्ध सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको पनि बताएको छ ।