एसी मिलान कोपा इटालिया फुटबलको सेमिफाइलनमा 

काठमाडौं, माघ २७ : एसी मिलान कोपा इटालिया फुटबलको सेमिफाइनलमा प्रवेश गरेको छ ।

गएराति भएको खेलमा लाजियोलाई ४–० गोल अन्तरले हराउँदै मिलान अन्तिम चारमा प्रवेश गरेको हो ।

मिलानको जितमा ओलिभर जिराउडले दुई गोल तथा राफेल लियो र फ्रान्क केस्सीले एकएक गोल गरे। खेलको २४ औं मिनेटमा राफेल लियोले टोलीलाई सुरुवाती अग्रता दिलाएका थिए।  

त्यसपछि ४१ औं मिनेटमा जिराउडले गोल गर्दै मिलानलाई २–० को अग्रता दिलाए । पहिलो हाफको इन्जुरी समयमा जिराउडले व्यक्तिगत दोस्रो गोल गर्दै मिलानलाई ३–० को अग्रता दिलाए ।

त्यसपछि खेलको ७९ औं मिनेटमा फ्रान्क केस्सीले गोल गर्दै मिलानलाई ४–० को फराकिलो जित दिलाए।