Kathmandu Press

सुरुङ खोलामा जुधेर एउटा गैँडा मर्‍यो

सुरुङ खोलामा जुधेर एउटा गैँडा मर्‍यो

चितवन, माघ १२ : चितवन राष्ट्रिय निकुञ्जको सुरुङ खोलामा एउटा गैँडा मृत अवस्थामा फेला परेको छ। निकुञ्जको  टाइगर टप्स पूर्वमा पर्ने सुरुङ खोलामा जुधेर गैँडा मरेको हो।
 
निकुञ्जका प्रमुख संरक्षण अधिकृत हरिभद्र आचार्यका अनुसार अन्दाजी १६/१७ वर्षको भाले गैँडा मरेको हो। अर्काे गैँडासँग जुध्दा लखेटिएर भिरबाट खसेर खोलाको बगरमा गैँडा पुगेको थियो।
     
गैँडाको खाग, खुर सुरक्षित रहेको प्रारम्भिक जानकारी प्राप्त भएको उनले बताए। योसँगै चालू आर्थिक वर्षमा निकुञ्जमा २३ गैँडा मरेका छन्। जसमध्ये दुई चोरी सिकारी, दुई मानवीय त्रुटि र १९ प्राकृतिक कारणले मरेका हुन्।

प्रकाशित मिति: १९:१० बजे, बुधबार, माघ १२, २०७८