ट्र्याक्टर दुर्घटनामा दुई जना बेपत्ता

जाजरकोट, माघ १२ : छेडागाड नगरपालिका–१३ दमाचौरमा ट्र्याक्टर दुर्घटना हुँदा दुईजना बेपत्ता भएका छन्।

भेरी नगरपालिका–१२ कुदुबाट छेडाचौरतर्फ जाँदै गरेको भे ३ त १४९५ नंको ट्र्याक्टर दुर्घटना भएको जिल्ला प्रहरी कार्यालय जाजरकोटले जानकारी दिएको छ।

प्रहरीका अनुसार अन्दाजी सडकबाट अन्दाजी ५५ मिटर तल भेरी नदीमा ट्र्याक्टर खसेको हो। बेलुकी साढे ६ बजेतिर ट्र्याक्टर दुर्घटनामा परेको प्रहरीले जनाएको छ। स्थानीयवासीका अनुसार सडकबाट ट्र्याक्टर नदीमा खसेको थियो।

दुर्घटनास्थलमा ट्र्याक्टरसमेत भेटिएको छ। ट्र्याक्टर धनीका अनुसार चालक र सहचालक सवार रहेका थिए।

चालक र सहचालक बेपत्ता रहेको जिल्ला प्रहरी कार्यालय जाजरकोटले जनाएको छ। घटनाका विषयमा प्रहरी टोली सोही ठाउँमा खटिई अनुसन्धान गरिरहेको छ। (रासस)