धनुषामा युवतीको बीभत्स हत्या, करणीकाे आशंका

जनकपुरधाम, माघ ६ : धनुषामा बीभत्स तरिकाले हत्या गरिएको अवस्थामा करिब २५ वर्षीया युवतीको शव फेला परेको छ।

धनुषाधाम नगरपालिका–६ मालटोलस्थित पूर्व–पश्चिम राजमार्गदेखि दुई किलोमिटर दक्षिणतर्फ आँपबगैंंचामा बुधबार साँझ टाउको फुटेको र रगतले लतपतिएको अवस्थामा शव भेटिएको जिल्ला प्रहरी कार्यालय धनुषाले जनाएको छ।

रातो रंगको स्वेटर र नीलो रंगको कुर्ता सुरुवाल लगाएकी ती युवतीको परिचय भने खुलिनसकेको प्रहरीले जनाएके छ। करणीपछि युवतीको हत्या भएको हुन सक्ने आशंका गरिएको छ।

घटना सम्बन्धमा थप अनुसन्धान भइरहेको जनाइएको छ।