इंग्ल्याण्डको जितमा ह्यारी केनको ह्याट्रिक

काठमाडौं, भदौ २२ : ह्यारी केनको ह्याट्रिकको मदतमा सन् २०२० युरो कप छनोटको खेलमा इंग्ल्याण्ड विजयी भएको छ।

गएराति घरेलु मैदान वेम्बली स्टेडियममा भएको खेलमा इंग्ल्याण्डले बुल्गेरियालाई ४–० गोल अन्तरले पराजित गरेको हो। इंग्ल्याण्डको जितमा कप्तान केनले तीन तथा रहिम स्ट्रर्लिङले एक गोल गरेका थिए। 

खेलको २४ औं मिनेटमा केनले गोल गर्दै इंग्ल्याण्डलाई सुरुवाती अग्रता दिलाएका थिए। पहिलो हाफमा १–० को अग्रता लिएको इंग्ल्याण्डले दोस्रो हाफमा थप तीन गोल गरेको थियो। 

खेलको ४९ औं मिनेटमा पाएको पेनाल्टीमा गोल गर्दै केनले इंग्ल्याण्डलाई २–० को अग्रता दिलाए। 

त्यसको ६ मिनेटपछि खेलको ५५ औं मिनेटमा स्ट्रर्लिङले गोल गर्दै इंग्ल्याण्डलाई ३–० को अग्रता दिलाए। त्यसपछि खेलको ७३ औं मिनेटमा  इंग्ल्याण्डले फेरि पेनाल्टी पायो। पेनाल्टीमार्फत गोल गर्दैै केनले ह्याट्रिक मात्रै पूरा गरेनन् इंग्ल्याण्डलाई ४–० को जित दिलाउन सफल भए।

जितसँगै समूह ‘ए’ को इंग्ल्याण्डले ३ खेलबाट ९ अंकका साथ अंक तालिकाको शीर्ष स्थानमा छ। बुल्गेरिया भने दोस्रो स्थानमा रहेको कोसोभोको चार खेलबाट ८ अंक छ। पाँच खेलबाट २ अंकका साथ समूह तालिकाको तालिकाको पुछारमा छ।