चार जना मृत अवस्थामा फेला

काठमाडौं, पुस २०  : काठमाडौं, बुढानिलकण्ठ नगरपालिका ८ सिमपाखास्थित झाडीमा मंगलबार नवजात शिशु बालक मृत अवस्थामा फेला परेका छन् ।

 भक्तपुर, मध्यपुरठिमी नगरपालिका  ४ दुईपोखरीस्थित पाटीमा काभ्रे पात्लेखेत फुलवारी घर भएका ६५ वर्षीय रत्न बहादुर तामाङ मंगलबार मृत अवस्थामा फेला परेका छन् ।

यस्तै चितवनको भरतपुर महानगरपालिका १ ईन्द्रदेव मार्गस्थित साजन टेलरमा काम गरी बस्ने बारा कलैया नगरपालिका-९ बस्ने ३५ वर्षीय बिनोद शाह सोही टेलरमा सुतिरहेको अवस्थामा मंगलबार मृत अवस्थामा फेला परेका छन् ।

झापा, गौरीगंज गाउँपालिका  ४ कधुभिट्टास्थित खेतमा हाल नाम, थर, वतन नखुलेका करिब ६५ वर्षीय पुरुष मंगलबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।