केटिएम ड्यूक मोटरसाइकल ४० भन्दा बढी बुकिङ

काठमाडौं, भदौ १६ : १२५ सीसी इञ्जिन क्षमताको केटिएम ड्यूक मोटरसाइकल पाँच दिनमा ४० वटाभन्दा बढी बुकिङ भएको छ।

काठमाडौंमा भएको नाडा अटो शो-२०१९ मा १२५ सीसी इञ्जिन क्षमताको केटिएम ड्यूक मोटरसाइकल ४० वटाभन्दा बढी बुकिङ भएको हङ्सराज हुलासचन्द कम्पनीले जनाएको छ।

१२५ सीसी इन्जिन क्षमता भएको यो मोटरसाइकलको बजार मूल्य ४ लाख ४९ हजार रुपैयाँ छ। मोटरसाइकलको फूल ट्यांकी क्षमता १० लिटर रहेको छ।

हाल केटिएम ड्यूकका १२५ देखि ३९० सीसी इञ्जिन क्षमता भएका मोटरसाइकल नेपाली बजारमा उपलब्ध छन्। जसको मूल्य ४ देखि ८ लाख रुपैयाँसम्म पर्दछ।