बागमती प्रदेशसभा बैठक बस्दै

मकवानपुर, पुस ७ः बागमती प्रदेशसभाको बैठक आज बस्दै छ । बैठक दिउँसो १ बजेका लागि तय भएको बागमती प्रदेशसभाले जनाएको छ ।

प्रदेशसभाको बैठकअघि साढे ११ बजे कार्यव्यवस्था परामर्श समितिको बैठक बस्ने जानकारी प्रदेशसभाका सचिव कृष्णहरि खड्काले दिए । संसद् सञ्चालनका लागि आवश्यक छलफल गर्न सभामुख सानुकुमार श्रेष्ठले कार्यव्यवस्था परामर्श समितिको बैठक बोलाइएको हो।

सो बैठकले प्रदेशसभा बैठकको कार्यसूची तय गर्ने उनले जानकारी दिए ।

प्रदेशसभाबाट मुख्यमन्त्री राजेन्द्रप्रसाद पाण्डेले विश्वासको मत पाएपछि पहिलो पटक बैठक बस्ने लागेको हो।