सर्वोच्चले भन्यो, ‘१० प्रतिशत सेवा शुल्क किन लिएको ?’
काठमाडौं, माघ १८ : होटल तथा रेष्टुराँले उपभोक्तासँग लिँदै आएको १० प्रतिशत सेवा शुल्कको किन लिएको भन्दै सर्वोच्च अदालतले कारण देखाउ आदेश जारी गरेक....
काठमाडौं, माघ १८ : होटल तथा रेष्टुराँले उपभोक्तासँग लिँदै आएको १० प्रतिशत सेवा शुल्कको किन लिएको भन्दै सर्वोच्च अदालतले कारण देखाउ आदेश जारी गरेको छ ।
शुक्रबार सर्वोच्चले सरकार, सञ्चालक र मजदुर सङ्गठनहरुलाई १० प्रतिशत सेवा शुल्क किन लिनु परेको भन्दै कारण देखाऊ आदेश जारी गरेको हो ।
सेवा शुल्क खारेजीको माग गर्दै राष्ट्रिय उपभोक्ता मञ्चले गत असोज २ गते रिट दायर गरेको थियो । उपभोक्ता मञ्चले दायर गरेको रिटमाथि शुक्रबार सुनुवाइ गर्दै सर्वोच्चले के कारणले सेवा शुल्क लिएको हो भन्ने विषयमा जवाफ दिन आदेश गरेको हो ।
गत मंगलबार देखि नेपाल रेस्टुरेन्ट एन्ड बार एसोसिएसन नेपाल (रेबान)ले खारेजीको निर्णय गरेको छ । जसको विरुद्ध मजदुर संगठनहरुले माघ २२ देखि रेष्टुरेन्ट बन्दको घोषणा गरेका छन् ।
