काठमाडौं उपत्यकामा थप १६१ जनामा कोरोना संक्रमण

काठमाडौं, पुस २ : पछिल्लो २४ घन्टामा काठमाडौं उपत्यकामा थप १६१ जनामा कोरोना संक्रमण पुष्टि भएको छ।

तीमध्ये काठमाडौंमा १११, भक्तपुरमा २० र ललितपुरमा ३० जनामा कोरोना देखिएको स्वास्थ्य तथा जनसंख्या मन्त्रालयले जनाएको छ।

पछिल्लोपटक थपिएको सहित हाल उपत्यकामा सक्रिय संक्रमितको संख्या १,७९५ रहेको छ।

तीमध्ये काठमाडौंमा ८११, भक्तपुरमा ४९१ र ललितपुरमा ४९३ जना रहेको स्वास्थ्य तथा जनसंख्या मन्त्रालयले जनाएको छ।