लाेकसेवाद्वारा शाखा अधिकृत पदमा २८४ सिटका लागि दरखास्त आह्वान

काठमाडौं, मंसिर २९ : लोकसेवा आयोगले विभिन्न सरकारी निकायमा रिक्त शाखा अधिकृत पदमा २८४ सिटका लागि दरखास्त आह्वान गरेको छ।

आयोगले आज (बुधबार) सामान्य प्रशासन, राजश्व, लेखा, लेखा परीक्षण, परराष्ट्र, न्याय, कानुन र सरकारी वकिलका लागि खुला र ज्येष्ठता गरी त्यति सिटका लागि विज्ञापन खुलाएको हो।

दरखास्त बुझाउने मिति पुस २० गते तोकिएको छ। दोब्बर दस्तुर तिरेर पुस २८ गतेसम्म पनि दरखास्त बुझाउन सकिनेछ। दरखास्त दस्तुर १ हजार रुपैयाँ र समूहका लागि प्रत्येक समूहका लागि थप ४०० रुपैयाँ लाग्ने सूचनामा जनाइएको छ।