पूर्वराज्यमन्त्री नरेशबहादुर सिंहद्वारा कांग्रेस केन्द्रीय सदस्यमा उम्मेदवारी घोषणा 

काठमाडौं, मंसिर २४ : बझाङका कांग्रेस नेता तथा पूर्व राज्यमन्त्री नरेशबहादुर सिंहले कांग्रेसको १४ औं महाधिवेशनमा केन्द्रीय सदस्य पदमा उम्मेदवारी दिने घोषणा गरेका छन् । 

बिहीबार पत्रकार सम्मेलन गर्दै सिंहले केन्द्रीय सदस्यमा भूगोलबाट उम्मेदवारी दिने घोषणा गरेका हुन्। 

विपी कोइरालाको आदर्श, कृष्णप्रसाद भट्टराई र गणेशमान सिंहको निष्ठाको मार्गमा काँग्रेसलाई स्थापित गराउन आफुँले  केन्द्रीय सदस्यको उम्मेदवारी दिएको नेता सिंहले बताए।

सिंह बझाङ जिल्लाको प्रतिनिधित्व गर्दै नेपाली काँग्रेसको केन्द्रीय राजनीतिमा सक्रिय रहँदै आएका छन् । उनले २०३५ सालमा बझाङको बुङ्गगल स्थित सरस्वती माविमा ९ पढ्ने क्रममा नेविसंघको उपाध्यक्षबाट राजनीति यात्रा सुरू गरेका थिए।

बौद्धिक व्यक्तित्वको रूपमा चिनिएका सिंह नेविसंघको केन्द्रीय उपाध्यक्ष र राज्यमन्त्री समेत भइसकेका छन् । २०४६ सालको जनआन्दोलनमा सिंह कैलालीको धनगढीमा जेल समेत परेका थिए।