राष्ट्रपतिसमक्ष मानवअधिकार आयोगको प्रतिवेदन पेस

काठमाडौं, मंसिर २३ : राष्ट्रपति विद्यादेवी भण्डारीसमक्ष राष्ट्रिय मानवअधिकार आयोगको प्रतिवेदन पेस गरिएको छ।

अध्यक्ष तपबहादुर मगरले आज (बिहीबार) आयोगको २०७७/७८ को वार्षिक प्रतिवेदन पेस गरेका हुन्।

आयोगले नेपालको संविधानको धारा २९४ बमोजिम सो प्रतिवेदन पेस गरेको हो।

प्रतिवेदनमा आर्थिक वर्ष २०७७/७८ मा आयोगमा परेका उजुरीहरु, त्यसउपर भएका छानबिन तथा अनुसन्धान विवरण, सरकारलाई गरिएका सिफारिसलगायत मानव अधिकार संरक्षण र संवर्द्धनमा आयोगबाट वर्षभरि भएका कार्यहरुको उल्लेख गरिएको छ।

मानव अधिकारको संरक्षण र संवर्धनका लागि आगामी दिनमा गरिनुपर्ने सुधारसम्बन्धी विवरणसमेत प्रतिवेदनमा समेटिएकाे छ।