कांग्रेस प्रदेश १ को मतगणना जारी

काठमाडौं, मंसिर १९ : नेपाली कांग्रेस प्रदेश १ को मतगणना जारी छ। कांग्रेस पार्टी कार्यालय मोरङमा २ बजेतिरबाट बाट मतगणना थालिएको हो।

मतगणना बिहान ८ बजे थाल्ने भनिएको थियो। तर प्रविधिक कारणले त्यसमा ढिलाइ हुन गएको निर्वाचन समितिले जनाएको छ। यतिखेरसम्म समितिले कसको अग्रता भन्ने विषयमा कुनै जानकारी सार्वजनिक गरिसकेको छैन।  

प्रदेश १ मा नेतृत्वका लागि शनिबार मतदान सम्पन्न भएको थियो। शनिबार भएको मतदानमा १८०४ मतदाता रहेकोमा १७५२ मत खसेको छ।

प्रदेश सभापतिका लागि उद्धव थापा र गुरुराज घिमिरे मैदानमा उत्रिएका छन्।

कांग्रेसमा पहिलोचोटि प्रदेश संरचनाअनुसार नेतृत्व चयन हुने अवस्थामा छ। कांग्रेसको १४औं महाधिवेशनअन्तर्गत प्रदेश अधिवेशन भइरहेको छ।