मार्टिन्सको ह्याट्रिकमा सातदोबाटोको जित

काठमाडौं, मंसिर १७ : शहीद स्मारक ए डिभिजन लिग फुटबलमा सातदोबाटो युथ क्लबले विभागीय टोली एपीएफलाई हराएको छ ।

आज भएको दोस्रो खेलमा सातदोबाटोले एपीएफलाई चार–एक गोल अन्तरले हराएको हो । सातदोबाटोको जितमा मार्टीन्स कायोदी अजयी​ले ह्याट्रिक गरे भने सुशील राईले एक गोल थपे ।

यता, एपीएफका लागि खेलको ४८ औँ मिनेटमा विकी तामाङले सान्त्वना गोल गरे ।  जितसँगै सातदोबाटो तीन खेलमा सात अङ्कसहित अङ्क तालिकाको शीर्षस्थानमा उक्लिँदा एपीएफ भने अङ्कविहीन हुँदै पुछारमा छ ।